Pierucciu est fadendi su colòquiu cun su diretori po essi pigau traballai in dd’unu Supermercau
Su diretori: Andat beni. Po mei est idoneu po intrai a traballai in su Supermercau nostru. Cantu iat a boli de stipèndiu?
Pierucciu: Si mi ponit in uficiu milla eurus a su mesi.
Su diretori: E si ddu pongu a sa cassa?
Pierucciu: Si mi ponit a sa cassa, mi bastat cincuxentus a su mesi!
.............................................................................................................................................................................
Marieddu est in macelleria
Su macellàiu: Ita ti serbit?
Marieddu: Donimì unu killu de prumoni po su pisitu. Ma no coment’e cussu de ariseu.
Su macellàiu: Poita non andàt beni?
Marieddu: Non andàt beni, poita babbu est abarrau a dolori de brenti totu sa di!
............................................................................................................................................................................
Giuliettu aincontrat s’amigu Frillucciu
Frillucciu: Ma nara, pobidda tua, sunfrit ancora de sonnambulismu?
Giuliettu: No! Imoi no prus.
Frillucciu: Bellu! Ita est sanada completamenti?
Giuliettu: Eja est sanada po sempri! Nd’est arruta a terra de su dècimu pianu e no nc’est prus!
............................................................................................................................................................................
Erminiu est fueddendi de sonnu cun Ponziu
Ponziu: M’at nau pobidda mia ca deu in su sonnu nanca fueddu. E tui, fueddas?
Erminiu: No ddu sciu.
Ponziu: Poita no ddu scis?
Erminiu: Poita seu dromiu e no seu coiau!
...............................................................................................................................................................................
In tribunali su giùdici est fueddendi cun s’imputau
Su giudici: Custa borta puru nanca t’ant cassau furendi arenoti. Poita ddu fais?
S’imputau: Ddu fatzu arenoti, poita seu tìmidu e a de dì mi ndi parrit bregùngia!
...............................................................................................................................................................................
Un’imbriagoni est in fueddendi cun su psicologu
Su Psicòlogu: Spieghimì ita problemas tenit.
S’imbriagoni: Dònnia notti bisu scèti flùminis e lagus prenus de àcua.
Su Psicòlogu: No si depit preocupai, fostei sunfrit scéti de rimorsus de coscientza!
..............................................................................................................................................................................
Giuannica andat in vìsita a domu de sa gomai Giorgetta
Giuannica. Ma gomai comenti mai est sètzia asub’è sa televisioni?
Giorgetta: Poita po dda pagai eus dèpiu bendi is càdiras!
..................................................................................................................................................................................
In tribunali su giudici est interroghendi un imputau de una rapina
Su giùdici: Spieghimì poita in s’iterrogatòriu de ariseu at dichiarau de essi colpèvoli e oi inveci narat de no.
S’imputau: Poita s’avogau m’at cunvintu ca seu innocenti!
....................................................................................................................................................................................
Tribinu est fueddendi cun su dotori
Su dotori: Duncas fostei m’at nau ca tenit problemas de sonnu.
Tribinu: Sissi. Poita candu seu dromiu forròschiu tropu.
Su dotori: No est nudda, est unu problema chi tenit meda genti. Ita strobu ddi fait?
Tribinu: A mei no. Est ca seu strobendi in ufìciu a is collegas de traballu!
.......................................................................................................................................................................................
Gervasia est discutendi cun Filirea
Gervasia: Po praxeri, ddi depit nai a su fillu de dda smiti de mi stroci.
Filirea: Ci pensu deu. Ge si ddu nau, de dda smiti de fai su crètinu!
..........................................................................................................................................................................................
Silviettu incontrat s’amigu Gismondu
Gismondu: Mi depis agiudai.
Silviettu: Ita ti serbit?
Gismondu : Faimì su praxeri de mi prestai cincuant’ eurus, ca seu a s’asciutu.
Silviettu: Mi parrit stranu! Ariseu m’iast nau ca nanca fiasta cun s’àcua fintzas a su tzugu!
..............................................................................................................................................................................................
Unu millepiededdu est fueddendi cun sa mamma
Su millepiededdu: Mamma, m’increxit meda unu pei.
Sa mamma: Cali pei t’increxit fillu miu?
Su millepiededdu: No ddu sciu. Deu sciu contai scéti fintzas a trinta!
.................................................................................................................................................................................................
Ediliu est chistionendi cun s’amigu Guidu
Guidu: Deu ti nau ca si depessat scopiai una guerra, deu curru luegus a su confini.
Ediliu: Po difendi sa Patria?
Guidu: No, po mi fui!
...................................................................................................................................................................................................
Tripinu est fueddendi de traballu cun Ettore
Ettore: Ita traballu fais?
Tripinu: Deu tratu, borsas, borsellinus e portafòlius.
Ettore: E cantu ti rendit?
Tripinu: Una mèdia de ses mesis a s’annu...de presoni!
......................................................................................................................................................................................................
Erminia est preparedusì po andai in Ristoranti cun su pobiddu
Erminia: Donamì unu consillu, comenti mi depu bistì.
Su pobiddu: Fai tui! S’importanti est chi fatzas in pressi e ti sbrighis !
Erminia: In pressi cantu?
Su pobidda: Coment’e candu ti spollas!
.........................................................................................................................................................................................................
Eusebiu est in s’ambulatòriu de su Neuròlogu
Su neuròlogu: Spieghimì beni ita sintòmus tenit.
Eusebiu: Mi girat sempri sa conca.
Su neuròlogu: Candu, a mangianu o a merì?
Eusebiu: Mi girat candu seu traballendi.
Su neuròlogu: Ita traballu fait?
Eusebiu: Fatzu su giostri!
............................................................................................................................................................................................................
Rinu est sètziu in dduna panchina cun sa picioca Clelia
Clelia: Mi stimas?
Rinu: Meda, meda. Pensa o Bice ca candu seu cun tui mi scarèsciu de totu.
Clelia: Veramenti, deu mi tzèrriu Clelia
Rinu: As biu ca est berus, ca candu seu cun tui mi scarèsciu de totu!
..................................................................................................................................................................................................-
Tinucciu est in s’ambulatòriu de su Veterinàiu
Tinucciu: Buongiorno. Seu beniu a mi visitai.
Su veterinàiu: Fostei at sbaliau ambulatòriu
Tinucciu: Ge ddu sciu ca fostei est unu veterinàiu.
Su veterinàiu: E insandus poita est beniu a innoi?
Tinucciu: Poita portu una callentura de cuaddu!
