Duus Nòbilis,unu conti e una marchesa, funt discutendi Su conti: Bis, si tui scirìasta coxinai, podaiaus licentziai su cuocu. Sa marchesa: Inveci, si tui sciriàsta fai s’amori, podaiaus licentziai su giardinieri, s’autista e su segretàriu! ................................................................................................................................................................ Tinu cun s’amigu Paulu funt critichendi Paulu: Ma o Tinu, ddu scis ca cussu tirchiatzu de su bixinu tuu est imparendi a ligi cun su “metodo Braille”. Tinu: Ma bai! No nci bollu crei. Ma a ita ddi serbit? Paulu: Aici, nanca candu ligit arenotti, no depit alluit sa luxi e arrispàrmiat! …………………………………………………………………………………………………………………………………………………………….. Marieddu est fueddendi cun s’amigu Tinellu Tinellu: Ma o Marieddu tui ddu scis ita est s’orgasmu? Marieddu: No, no ddu sciu. Ma depit essi calincuna cosa meda lestra. Tinellu: Ma ita ti ddu fai pensai chi sia lestra? Marieddu: Poita apu intèndiu a sorri mia fueddendi cun dd’una amiga e fut narendiddi, ca issa no nce dda fait mai a ddu ragiungi! .............................................................................................................................................. Artemiu est papendi in dd’una tratoria e tzèrriat su camerieri Su camerieri: Nerimì totu. Artemiu: Mi depit nai chi in custa tratoria teneis figau. Su camerieri: Certu ca ndi teneus. Artemiu: Si? Insandus provai a tastai custu minestroni! ...................................................................................................................................... Una baca est fuedendi cun dd’un’atra baca Sa primu baca: Nara, ma tui timis po sa “Mucca Pazza”. Sa segunda baca: No, no dda timu po nudda. Sa primu baca: Poita no timis? Sa segunda baca: Poita deu seu unu cuaddu! ..................................................................................................................... Tzia Seranna est circhendi de si nci scavuai de sa ventana Arribat un pompieri e su gèneru. Su pompieri: (Circhendi de dd’aferrai) Ma ita est circhendi de fai. Donimì sa manu! Su gèneru: O su pompieri, fatzasì is afàrius de fostei. Lassiridda fai. Custa est sroga mia miga sroga sua! .............................................................................................................................................. Marietta est chistionendi cun s’amiga Grazietta Grazietta: Bis, a una fèmina po si coiai ddi serbint tres animalis. Marietta: Cali funt? Grazietta: Una Jaguar in garage, unu toru a lettu e una pellìcia de visoni. Marietta: Segundu mei perou mancat un animali! Grazietta: Cali animali? Marietta: Unu bellu molenti po pagai! ...................................................................................................................................... Tzia Catilina est fueddendi cun tzia Cesira Tzia Cesira: A sa bonànima de pobiddu miu no fadiàt a ddu poderai. Dda portàt tropu longa. Tzia Catilina: Biada fostei! Atru che sa bonànima mia! Tzia Cesira: Ma ita est cumprendendi gomai! Lei ca seu fueddendi de sa lìngua. Ca fiat tropu bucàciu! ........................................................................................................................................................... Unu priogu incontrat un atru priogu Su primu priogu: Ciau, amigu. Ita cosa ca ti biu arrennegau e afligiu? Su segundu priogu: Ia boli biri a tui, a pustis su chi m’est capitau. Su primu priogu: E ita t’est capitau de aici lègiu de ti poni in crisi? Su segundu priogu: M‘ant sfratau e seu in sa strada chene logu de crocai. Su primu priogu: Balla custu no nci boliàt. Ma comenti est sucèdiu? Su segundu priogu: Fia tranquillu e prexau in conca de unu capelloni arriciau chi no si sciacuàt mai sa conca. Su primu priogu: E poi? Su segundu priogu: E poi po culpa de una maladia, at cumentzau a ci perdi is pilus. Abellu abellu, sa conca fiat sempri prus spinniada, ci perdiàt is pilus a matzus. A cussu puntu at decìdiu de si tundi a rasu e a mei m’est tocau a abandonai cussu bellu logu tranquillu, e imoi seu in sa strada, abetendi chi torrint de moda is capellonis. Su primu priogu: E su chi seu timendi deu puru. Totu culpa de cussus shampus e de cussa cremas chi sa genti si ponint in conca. No nc’est prus religioni e arrispettu mancu po su priogu. Si stadiàt mellus candu si stadiàt peus. Su segundu priogu: Est pròpiu aici! Ma si sighit custa crisi forsis ant’a torrai is tempus bellus po nos puru. Su primu priogu: Speraus. Comenti si narat, “vita mea mors tua”. Ba, amigu Priogu, ti saludu si bieus. Augùrius po agatai una atra conch’e pilus po ti sistemai. Su segundu priogu: Augùrius po tui puru. ......................................................................................................................................................... Unu vìgili firmat in sa strada una Panda Su vìgili: Ma cantu seis aintru de custa vettura? Mi parreis tropixeddus. S’autista: Ma cali tropixeddus, seus in règola, seus in sexi. Su vìgili: Sexi? Insaras seis in multa. S’autista: Ma cali multa, no dda bit ca custa est una Panda 4x4. Su vìgili: Scusamidda meda, teneis arraxoni, apu sbaliau, non ia biu ca custa fiat una 4x4 e 4x4 fait sexi! Duncas podeis andai. ............................................................................................................................................................. Filomena incontrat s’amiga Virgilia Virgilia: Arrori ti tirit, ge ses pagu eleganti, parris una atrici de cìnema. Filomena: Seu andendi a una festa. Ma nara o Virgilia, donamì unu consillu, custu bistiri ddu bis meda scollau? Virgilia: Unu pagheddu si, poita si bit su piu de is peturras. Filomena: Ma ses brullendi, la ca deu piu in peturras no ndi tengu. Virgilia: Insaras si no portas piu in peturras, ti depu nai, ca custu bistiri est diaderus tropu scollau! Poita su piu si bit! ................................................................................................................................................... Silvestra est in vìsita cun su dotori Su dotori: Ita acusat? Silvestra: Candu a mangianu mi ndi pesu a is s’otu, m’increxit sa conca. Ita mi consillat? Su dotori: De si ndi pesai prima a is seti o a pustis a is noioras! Silvestra: Gràtzias dotori. Apu a sighì custu consillu. Ma c’est puru un atru problema Su dotori: Nerimì totu Silvestra: Su dolori de conca mi pigat puru si mi setzu in dd’una cadira. Ita cura mi consillat? Su dotori: De si sei in dd’una poltrona! Silvestra: Andat beni. Gràtzias. Ap’a fai aici. Ge ddi fatzu sciri, si su dolori de conca mi passat, e seu sanada!
© Riproduzione riservata