> Duas escort sardas funt arribadas a s’areoportu de Parigi Su facchinu de is bagàlius tzerriendi: bagages, bagages! (bagagli, bagagli) Sa prima escort: Bho, a nai ca no parrit berus! Sa segunda escort: Ita no parrit berus? Sa prima escort: Ca s’ant conotu innoi puru! ............................................................................................................................................... Silvestru est in macchina cun sa pobidda Clementina Clementina: Ma poita no donas atentzioni guidendu! Silvestru: Poita it’apu fatu? Clementina: Ma no ddu bis ca in su semàfuru fias acanta de ndi cassai unu cinesu! Silvestru: Bho, tui pensa ca no mi firmu ananti de unu semafuru arrùbiu, e tui pensas ca mi depu firmai ananti de unu giallu? ................................................................................................................................................... Teresa est in visita aundi de su psicòlogo Teresa: No nce dda fatzu prus. Seu esauria. Su psicòlogu: Abarrit calma. Spieghit ita dd’afligit. Teresa: Est totu culpa de pobiddu miu no seu dromendi nudda, seu sempri scida. Su psicòlogu: Ita c’intrat su pobiddu? Nerimì totu. Teresa: Pobiddu miu si creit una lastra de ghiàciu. Su psicòlogu: Traquilla non est cosa gravi. E poita no dromit? Teresa: Ia boli biri a fostei si pigàt sonnu, si dromiàt in s’ierru, acanta de una lastra de ghiàciu! ............................................................................................................................................. Marieddu est in giru e incontrat s’amighixeddu Giangianni Giangianni: Ma tui ddu scis poita serbit su viagra? Marieddu: Certu ca ddu sciu. Giangianni: Insandus naramiddu. Marieddu: Su viagra serbit po sa sciugura. Giangianni: Po sa sciugura? E chi ti dda nau? Marieddu: Dd’apu intèndiu a zieta narendddu a zietu, candu dd’anti comporada in farmacia. Giangianni: Poita, ita dda’at nau? Marieddu: dd’at nau: “finalmenti, cun custas pastìlias mi ndi potzu bogai su sidi deu puru”!
...........................................................................................................................................................
Filippu est in giru chistionendi cun s’amigu Renzinu
Renzinu: Seu arròsciu de ci bivi impari a nai ca pobidda mia est sempri unfrada, in domu parreus sempri in luttu.
Filippu: Balla in domu no. Pobidda mia est sempri allirga e sempri arriendi.
Renzinu: Biadu tui spiegamiddu comenti fais a dda fai arrì.
Filippu: Ddi contu una barzelleta. Sempri sa stessa.
Renzinu: Cali est sa barzelleta, scoviadda a mei puru, ca dda contu a pobidda mia, aici dda biuarriendi finalmenti.
Filippu: Ddi nau a boxi in altu: “in custa domu cummandu deu”! E issa incumentzat a arrì a scracàlius!
...................................................................................................................................................
Tzia Teresina est in vìsita in su dentista
Su dentista: Dai signora Teresina aberrat beni sa buca.
Tzia Teresina: Dd’arringràtziu meda po su chi m’at nau.
Su dentista: Po cali motivu?
Tzia Teresina: Poita totus, mi nanta sempri de dda serrai!
................................................................................................................................................................
Giannettu est fueddendi cun sa pobidda Silvana
Silvana: Ti depu donai una bella notìtzia prestu in custa domu as essi in tres.
Giannettu: Bellu meda. Naramiddu luegus. Ses incinta?
Silvana: Ma cali incinta. Est ca cras, depit arribai mamma e tocat andai a sa statzioni a nde dda pigai a is ses de chitzi!
......................................................................................................................................................
Robertu est in su mecànicu
Su mecànicu: Nerimì, cali est su problema de sa màchina?
Robertu: Candu sùperu de velocidadi is otanta km oràrius sa vetura mia baddat.
Su mecànicu: Fostei, ascurtat s’autoràdiu candu est viagendu?
Robertu: Certu. Sempri.
Su mecànicu: Est po cussu. Insaras, studiddindi s’autoràdiu e sa vetura at a bit, ca no baddat prus!
..........................................................................................................................................................
Letizia est fueddendi cun s’amiga Rebecca
Rebecca: Ma si podit sciri, poita candu sciàcuas in terra, ponis totu cussu amorbidenti?
Letizia: Ddu fatzu a posta.
Rebecca: E poita ddu fais? Toca, naramiddu.
Letizia: Poita, candu mi nci arruit su pipiu a terra, a su mancu no s’ingollit!
Rebecca: No s’ingollit? Ma poita?
Letizia: Certu! Poita, agatat su pavimentu mòrbidu!
.....................................................................................................................................
Tzia Grazietta est in visita de unu specialista neuròlogu
Su neuròlogu: De ita problemas lamentat signora?
Tzia Grazietta: De unu pagheddu de tempus seu grai de origas. Non intendu giai nudda.
Su neuròlogu: Insandus comintzit prima a mi pagai sa parcella.
Tzia Grazietta: Sa padella? E poita ddi depu pagai sa padella?
Su neuròlogu: Seu fueddendi de mi pagai sa visita neurologica.
Tzia Grazietta: Certu, est cosa lògica ca depu papai.
Su neuròlogu: Fostei mi parrit ca bolit fai s’indiana.
Tzia Grazietta: Ma poita mi ndi depu tirai sa sotana po mi visitai?
Su neuròlogu: Andat beni. Insandus bolit nai ca sa vìsita est gratis.
Tzia Grazietta: Gratis? Gràtzias meda su dotori de custu arregallu!
............................................................................................................................................
Ferdinanda est discutendi cun su pobiddu Pompiliu
Pompiliu: Segundu mei est su destinu chi s’at fatu incontrai. Ita ndi pensas?
Ferdinanda: Invecis deu pensu, ca non est su destinu chi s’at fatu incontrai, ma est sa sfortuna chi s’est posta in mesu!
© Riproduzione riservata