I Gonnos, rustiga e antiga bidda mia Cara pro mimi e simili a una perra De su còru tra is biddas de sa Terra, Poita ca ses sa mamma mia nadìa Cum tottu su chi patis de apatia Déu di stimu pro omnia monti e omniin amoria serra In annus e annus sperdias in sa guerra De su fògu, a tui culla de s’olìa. Tra tantum olivarius tuos m’incantas Chi ti coberrint evergreen de mantas Tottu canta in su plance in collina, Ca d ramus de olìa incoronada ses de Minerva protégia e agodràda sutt’e s’Olimpu de su Monte Linas. II De is tempus de arrebisaius e nonnus Su mellus òllu est s’ollu de Gonnus, Chi no iddu bincit nixunu olivariu Pro miraculu y éféttu strordinariu, proita ca bastat mancu mesu fiascu a un homini pro s’intendi plus mascu chentza’e vai fiascu cum femina a lettu, de cantu in amori fait brofettu. Ma est scadralluttu custu òllu extravergini. Ca a omnia femina idda torrat vergini, bastat chi inde sfrigongitunu stiddiu De òllu callenti astuta de su bìddiu, e che s’ambrosia pro is dèus in sa mesa Asegurat s’eterna giovunesa. III Ogliwood Gonnos no est centru de Divas e Divus Comenti est sa Hollywood californiana, però est un wood splendidu de olivus siat in pianura e in sa zona montana, Unu boscu e una foresta de mattas Secularis e nobas birdi oscuras. E tantum mattas ‘e olìas ‘e òllu donant De seculus, prima de sa scoperta De Colombo in s’Isola su Cumunu Chi in coma birdi no bincit nixunu Ca de milla olivarius est coperta E che una Diva tottu idda coronant.
© Riproduzione riservata