di Gigi Tatti
Andant a passu lentu in processioni avatu de su Cògiu de Sant’Antoni, fèminas, òminis, mannus e minoris, artigianus, studentis, maistus e pastoris, genti a cambarada de dònnia edadi, andendi a pei o a traca a Sant’Antoni de Santadi, c’est chi andat po gràtzia, chi po promissa e chini puru po ascurtai sa missa, cun su coru prenu de fidi e devotzioni, preghendi chi in sa vida ddus agiudit Sant’Antoni, si partit de Arbus a mangianu, si arribat a Santadi cand’est giai scurigau, custa est una Santa passillada, ca de Arbus est sa festa stimada, sfidendi sa basca e sa callura, poita sa promitentza est sempri dura, ma candu a Santadi ses arribau, ti batit su coru e s’est prexau, e si tui a pei ddoi ses andau, de custu Santu ast’essi sempri agiudau.
© Riproduzione riservata