-Mellus unu dolori de dentis, che certus parentis.
-Si tenis frius, coberridì cun is mantas tuas.
-No spendas mai su dinai chi no tenis.
-S’àcua no pulit sa cuscientza.
-Chini papat a iscusi no bolit pratzì.
-Fai beni no fait mali a nisciunu.
- S’òmini avaru no portat busciacas.
- Sceti a sa morti no nc’est arremédiu.
- Margiani cun margiani no si pratzint pani.
-No sempri cambiendi cuaddu si currit de prus.
-Circa sempri de murigai sa pingiada tua.
-Chi si creit margiani non est margiani.
-Chi donat pràngiu abetat cena.
-Sa beridadi est comenti de s’ortigu, benit sempri a galla.
-Sa mannesa de una bidda no si misurat cun cantu pàginas tenit in s’elencu telefònicu.
-Si no podis mossiai non amostis is dentis.
-Chi mali pensat, peus fait.
-Pobiddu susuncu, pobidda furància.
-Mellus pani angiali in domu, che ingaùngiu foras.
-Ti andat totu peus, si frastimas a deus.
-Sroga cun nura, gherra segura.
-Cun certus parentis, acutzadì is dentis.
-mellus unu bonu amigu che unu malu maridu.
-sa fèmina cumandat s’òmini scratzonau.
-chi fait mali at a teni peus.
-Chi arreguat candu tenit, papat candu bolit.
-No t’incruis meda, ca si bit su paneri.
-Chi circat is corrus de is atrus podit agatai is suus.
-Nura cun srogu, in diversu logu.
-Chi no tenit dinai, tenit cosas de pensai.
-No pedas dinai si no ddu podis torrai.
-Su segretu po andai de acòrdiu cun is fèminas, est a no teni mai arraxoni.
-Nisciuna nura, bona nura.
-Po unu béciu una pobidda giòvuna est una meri.
-Su dinai est comenti de su ladàmini, tocat a ddu scì spainai.
-Chi si bantat, sa fèmina no incantat.
-Su mellus ingaùngiu est su fàmini.
-No ti depis cojai si no bolis genti stràngia in domu.
-Po smiti de fumai, no ti pongas a bufai.
-Sa brenti prena no creit a sa sbuida.
-Sa guerra tra parentis est guerra de dentis.
-S’amori cun barufa ndi tirat sa mufa.
-Su pobiddu gelosu e puntudu, medas bortas est corrudu.
-Fèmina cojada, abarra atesu de sroga e de connada.
-De martis e de cenabara no ti depis cojai, c’est s’arrìschiu de si lassai.
-Cun scirocu e cun levanti pagu gana e pagu amanti.
-Is corrus funt coment’e is dentis, candu fint spuntendi increxint de prus.
-Si fumas in campagna podit capitai un’incéndiu, ecu poita is animalis no fumant.
-Is dentistas papant cun is dentis de is atrus.
-Mellus duus molentis che milla parentis.
-In su mentris chi sa bella s’allichidit, sa légia est giai coiada.
-Candu est pronta sa minestra, is polìticus funt ugualis, a manca e puru a dereta.
-Is depidus funt promissas apicadas in dd’unu burroni.
-Is antzianus funt pipieddus bècius.
-A si fidai de is polìticus, est comenti de si fidai de unu topi a guardia de una forma de casu.
-Sa becesa est su parchègiu de sa gioventudi.
© Riproduzione riservata